ದಕ್ಷಿಣ ಭಾರತ ಚಿತ್ರರಂಗದ ಖ್ಯಾತ ಚಲನಚಿತ್ರ ನಿರ್ಮಾಣ ಸಂಸ್ಥೆ ‘ಹೊಂಬಾಳೆ ಫಿಲ್ಮ್ಸ್’ ಇದೀಗ ಪ್ಯಾನ್ ಇಂಡಿಯಾ ಸೂಪರ್ ಸ್ಟಾರ್ ಪ್ರಭಾಸ್ ಅವರೊಂದಿಗೆ ಮೂರು ಹೊಸ ಸಿನಿಮಾಗಳನ್ನು ಮಾಡುವುದಾಗಿ ಘೋಷಿಸಿದೆ.
ಈಗಾಗಲೇ ಕೆಜಿಎಫ್, ಕಾಂತಾರ, ಸಲಾರ್ ನಂತಹ ಸಿನಿಮಾಗಳಿಂದ ಸಾಕಷ್ಟು ಹೆಸರು ಮಾಡಿರುವ ಹೊಂಬಾಳೆ ಫಿಲ್ಮ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಸೂಪರ್ ಸ್ಟಾರ್ ಪ್ರಭಾಸ್-ಪ್ರಶಾಂತ್‌ ನೀಲ್‌ ಜೊತೆಗಿನ ಕಾಂಬಿನೇಷನ್‌ನಲ್ಲಿ ಮುಂದಿನ ಸಿನಿಮಾದ ಬಗ್ಗೆ ಮತ್ತು 2026ಕ್ಕೆ ಸಲಾರ್2 ಸಿನಿಮಾ ಬರಲಿದೆ ಎಂದು ಪೋಸ್ಟ್ ಶೇರ್ ಮಾಡಿದೆ.
ಕನ್ನಡ ಹಾಗೂ ತೆಲುಗಿನಲ್ಲಿ ಶ್ರೀಮುರಳಿ ಅಭಿನಯದ ʼಬಘೀರʼ ಸಿನಿಮಾ ಸದ್ದು ಮಾಡುತ್ತಿರುವ ಬೆನ್ನಲ್ಲೆ ಹೊಂಬಾಳೆ ಈ ಘೊಷಣೆ ಮಾಡಿದೆ. ಬರುವ ಮೂರು ವರ್ಷಗಳು ಅಂದರೇ, 2026, 2027, 2028 ರಂದು ಪ್ರಬಾಸ್‌ ಜೊತೆಗೆ ಸಿನಿಮಾ ನಿರ್ಮಾಣ ಮಾಡಲಿದ್ದೇವೆ ಎಂದು ಘೋಷಿಸಿಕೊಂಡಿದೆ.
ಪ್ಯಾನ್ ಇಂಡಿಯನ್ ಮಟ್ಟದಲ್ಲಿ ಸಾಕಷ್ಟು ಖ್ಯಾತಿ ಹೊಂದಿರುವ ಪ್ರಭಾಸ್ ಅವರು ಹೊಂಬಾಳೆ ಫಿಲ್ಮ್ಸ್ ಜೊತೆಗೆ ಮೂರು ಬಿಗ್ ಪ್ರಾಜೆಕ್ಟ್ಗೆ ಸಹಿ ಹಾಕಿದ್ದಾರೆ. ಆ್ಯಕ್ಷನ್-ಪ್ಯಾಕ್ಡ್ ”ಸಲಾರ್ 2” ಮಹತ್ವದ ಪ್ರಾಜೆಕ್ಟ್ಗಳಲ್ಲೊಂದು. 2023ರ ಕೊನೆಗೆ ತೆರೆಕಂಡ ಈ ಚಿತ್ರದ ಸೀಕ್ವೆಲ್ ಬರೋದು ನಿಮಗೆ ತಿಳಿದಿರುವ ವಿಚಾರವೇ. ಇಂದು ಅನೌನ್ಸ್ ಮಾಡಿರುವ ಮೂರು ಸಿನಿಮಾಗಳಲ್ಲಿ ಸಲಾರ್ 2 ಕೂಡಾ ಒಂದು. ಬಹುನಿರೀಕ್ಷಿತ ಸಲಾರ್ 2 ಮತ್ತು ಎರಡು ಹೆಚ್ಚುವರಿ ಸಿನಿಮಾಗಳನ್ನೊಳಗೊಂಡಿರುವ ಈ ಒಪ್ಪಂದವು ಪ್ರಭಾಸ್ ಮತ್ತು ಹೊಂಬಾಳೆ ಸಂಸ್ಥೆಗಳೆರಡಕ್ಕೂ ಹೊಸ ಅಧ್ಯಾಯದ ಆರಂಭವನ್ನು ಸೂಚಿಸಿದೆ. ಈ ಸಿನಿಮಾಗಳು ಕ್ರಮವಾಗಿ 2026, 2027 ಮತ್ತು 2028ರಲ್ಲಿ ಚಿತ್ರಮಂದಿರ ಪ್ರವೇಶಿಸಲಿದೆ.
