ಬಿಜೆಪಿಯಿಂದ ಹೊರ ಹೋಗುತ್ತಾರಾ ಶೆಹಜಾದ್ ಪೂನಾವಾಲಾ?

ನವದೆಹಲಿ : ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನಾವಾಲಾ ಅವರು ಶುಕ್ರವಾರ ತಮ್ಮ ‘ಎಕ್ಸ್’ (X) ಖಾತೆಯ ಪರಿಚಯದ ವಿವರದಿಂದ (bio) ಬಿಜೆಪಿಗೆ ಸಂಬಂಧಿಸಿದ ಉಲ್ಲೇಖವನ್ನು ತೆಗೆದುಹಾಕುವ ಮೂಲಕ ತಮ್ಮ ರಾಜಕೀಯ ಭವಿಷ್ಯದ ಕುರಿತು ಊಹಾಪೋಹಗಳಿಗೆ ಎಡೆಮಾಡಿಕೊಟ್ಟಿದ್ದಾರೆ. ಆದಾಗ್ಯೂ, ಅವರು ಪಕ್ಷವನ್ನು ತೊರೆಯುತ್ತಿರುವ ಬಗ್ಗೆ ಯಾವುದೇ ಅಧಿಕೃತ ದೃಢೀಕರಿಸಿಲ್ಲ.

ಅವರ ಪರಿಷ್ಕೃತ ವಿವರದಲ್ಲಿ ಈಗ ಹೀಗಿದೆ: “ಧರ್ಮ, ಇಸ್ಲಾಂ, ಸಂಸ್ಕೃತಿ, ಹಿಂದೂ, ಭಾರತೀಯ ಸಿದ್ಧಾಂತ, ಲೇಖಕ: ‘ಜಿಎಸ್‌ಟಿ ಕಿ ಯಾತ್ರಾ’ (GST ki Yatra); ಪ್ರಧಾನಿ ನರೇಂದ್ರ ಮೋದಿ ಅವರ ಆಜೀವ ಅನುಯಾಯಿ.” ಪೂನಾವಾಲಾ ಅವರು ಈ ಪರಿಷ್ಕೃತ ವಿವರದ ಸ್ಕ್ರೀನ್‌ಶಾಟ್ ಅನ್ನು ‘ಎಕ್ಸ್’ನಲ್ಲಿ ಹಂಚಿಕೊಂಡಿದ್ದಾರೆ.

ಸಕ್ರಿಯ ರಾಜಕೀಯದಿಂದ ಹೊರಬರುವ ಸಮಯ ಬಂದಿದೆ ಎಂದು ಹೇಳುವ ಮೂಲಕ ಅವರು ಬಿಜೆಪಿಯಿಂದ ದೂರ ಸರಿಯುವ ಸುಳಿವು ನೀಡಿದ ಕೆಲವು ದಿನಗಳ ನಂತರ ಈ ಬೆಳವಣಿಗೆ ನಡೆದಿದೆ.

ಶುಕ್ರವಾರ, ಅವರು ಆ ಹೇಳಿಕೆಗಳನ್ನು ನೀಡಿದ ಸಂದರ್ಶನಗಳ ವೀಡಿಯೊಗಳನ್ನು ಮರು ಪೋಸ್ಟ್ ಮಾಡಿದ್ದು, ಪಕ್ಷದಿಂದ ಹೊರಬರುವ ಸಾಧ್ಯತೆಯ ಬಗ್ಗೆ ಊಹಾಪೋಹಗಳಿಗೆ ಮತ್ತಷ್ಟು ಉತ್ತೇಜನ ನೀಡಿದೆ.