ಬೆಂಗಳೂರು: ಸ್ಯಾಂಡಲ್ ವುಡ್ ಕ್ಯೂಟ್ ಕಪಲ್ ಚಂದನ್ ಹಾಗೂ ನಿವೇದಿತಾ ಗೌಡ ದಿಢೀರನೇ ಡಿವೋರ್ಸ್ ಪಡೆದಿದ್ದಾರೆ. ಡಿವೋರ್ಸ್ ಬಳಿಕ ಸಾಕಷ್ಟು ವಿಚಾರಗಳು ಚರ್ಚೆಗೆ ಬಂದಿವೆ. ನಿವೇದಿತಾ ಜೊತೆಗೆ ಸೃಜನ್ ಲೋಕೇಶ್ ಹೆಸರು ಕೂಡ ತಳುಕು ಹಾಕಿಕೊಂಡಿತ್ತು. ಈ ವರ್ಷ ಸೃಜನ್ ಲೋಕೇಶ್ ವಿಶೆಷ ವಿಡಿಯೋ ಮಾಡಿ ಬರ್ತ್ ಡೇಗೆ ವಿಶ್ ಮಾಡಿದ್ದರು. ಆ ವಿಡಿಯೋ ವೈರಲ್ ಮಾಡುವ ಮೂಲಕ ಅವರ ಹೆಸರನ್ನು ತಂದಿದ್ದರು. ಆ ಬಗ್ಗೆ ಇಂದು ಸುದ್ದಿಗೋಷ್ಟಿಯಲ್ಲಿ ಸ್ಪಷ್ಟನೆ ನೀಡಿದ್ದಾರೆ.
ಸೃಜನ್ ಲೋಕೇಶ್ ಹೆಸರು ಹೇಳದೆ ಮಾತನಾಡಿದ ನಿವೇದಿತಾ, ಅವರು ನಮ್ಮ ಫ್ಯಾಮಿಲಿ ಫ್ರೆಂಡ್ಸ್. ಅವರ ಫ್ಯಾಮಿಲಿ ಜೊತೆಗೆ ಒಳ್ಳೆ ಬಾಂಡಿಂಗ್ ಇದೆ. ಪ್ರತಿ ವರ್ಷ ಅವರು ಕೂಡ ನನ್ನ ಬರ್ತ್ ಡೇಗೆ ವಿಶ್ ಮಾಡುತ್ತಾರೆ. ಆದರೆ ಈ ವರ್ಷವೇ ಯಾಕೆ ಈ ರೀತಿ ಆಗಿದ್ದು ಶಾಕ್ ಆಗಿದೆ. ಈ ವಿಚಾರ ವೈರಲ್ ಆಗುತ್ತಾ ಇದ್ದಂತೆ ಅವರಿಗೆ ಕಾಲ್ ಮಾಡಿ ಹೇಳಿದೆ, ದಯವಿಟ್ಟು ಬೇಜಾರು ಮಾಡಿಕೊಳ್ಳಬೇಡಿ. ಇದಕ್ಕೆ ನಾವೂ ಕ್ಲಾರಿಟಿ ಕೊಡುತ್ತೀವಿ ಅಂತ. ಆಗ ಗಂಡ-ಹೆಂಡತಿ ಇಬ್ಬರು ಧೈರ್ಯ ಹೇಳಿದರು. ಅದಕ್ಕೆಲ್ಲ ನೀನು ತಲೆ ಕೆಡಿಸಿಕೊಳ್ಳಬೇಡಮ್ಮ ಅಂದ್ರು ಎಂದಿದ್ದಾರೆ.
ಇದೇ ವೇಳೆ ಪ್ರಶಾಂತ್ ಸಂಬರ್ಗಿ ಬಗ್ಗೆಯೂ ಮಾತನಾಡಿ, ಆ ವ್ಯಕ್ತಿ ನಮ್ಮ ಬಗ್ಗೆ ಏನೇನೋ ಹೇಳಿದ್ದಾರೆ. ನಾನು ತೆಲುಗು ನಿರ್ದೇಶಕರ ಹಿಂದೆ ಹೋಗುವುದಕ್ಕೆ ಡಿವೋರ್ಸ್ ಪಡೆದಿದ್ದೇನೆ ಎಂದಿದ್ದಾರೆ. ನಮ್ಮ ಇಬ್ಬರ ಮದುವೆಯಿಂದಾಗಿ ನನ್ನ ಕೆರಿಯರ್ ಗೆ ಯಾವುದೇ ಸಮಸ್ಯೆ ಆಗಿಲ್ಲ. ಮಕ್ಕಳು ಬೇಡ ಅಂತಾಗಲಿ, ಇನ್ಯಾರದ್ದೋ ಜೊತೆಗೆ ಸಂಬಂಧ ಇದೆ ಎಂಬುದಾಗಲಿ ಅಲ್ಲ. ನಾವಿಬ್ಬರು ಮ್ಯೂಚುವಲ್ ಅಂಡರ್ ಸ್ಟಾಡಿಂಗ್ ನಿಂದಾಗಿ ಡಿವೋರ್ಸ್ ಪಡೆದಿದ್ದೇವೆ ಎಂದು ಕ್ಲಾರಿಟಿ ಕೊಟ್ಟಿದ್ದಾರೆ.
ಪ್ರಶಾಂತ್ ಸಂಬರ್ಗಿ ಬಗ್ಗೆ ಚಂದನ್ ಶೆಟ್ಟಿ ಮಾತನಾಡಿ, ಹೈದ್ರಾಬಾದ್ ನಲ್ಲಿ ಒಬ್ಬ ಹುಡುಗನ ನಡುವೆ ಸಂಬಂಧ ಇದೆ ಎಂದು ಹೇಳಿದ್ದೆ ಅಂತಾರೆ. ಆದರೆ ಅವರ ಮತ್ತು ನನ್ನ ನಡುವೆ ಯಾವುದೇ ಮಾತುಕತೆ ಆಗಿಲ್ಲ. ಬೇರೆಯವರ ಸಂಸಾರದ ನಡುವೆ ಅವರಿಗೇನು ಸಂಬಂಧವಿದೆ ಎಂಬುದು ಗೊತ್ತಿಲ್ಲ. ಅವರು ಯಾಕೆ ಈ ರೀತಿ ಮಾತನಾಡಿದರು ಎಂಬುದು ಗೊತ್ತಿಲ್ಲ. ಅವರು ನನ್ನ ಜೊತೆ ಸಿನಿಮಾದಲ್ಲಿ ನಟಿಸಿದ್ದಾರೆ ಅಷ್ಟೇ.
ನಮ್ಮ ಡಿವೋರ್ಸ್ ಬಗ್ಗೆ ನಮ್ಮ ಕುಟುಂಬಸ್ಥರ ನಡುವೆ ಚರ್ಚೆ ಮಾಡಿದಾಗ ನೀವಿಬ್ಬರು ಬುದ್ದಿವಂತರು. ನಿಮಗೆ ಹೇಗೆ ಅನ್ನಿಸುತ್ತೋ ಆ ರೀತಿಯ ನಿರ್ಧಾರ ತೆಗೆದುಕೊಳ್ಳಿ ಎಂದಿದ್ದರು. ನಮ್ಮ ಪೋಷಕರೇ ಈ ರೀತಿ ಸಪೋರ್ಟ್ ಮಾಡುವಾಗ, ಆ ವ್ಯಕ್ತಿ ಯಾಕೆ ಆ ರೀತಿ ಮಾತನಾಡಿದರು ಗೊತ್ತಿಲ್ಲ. ಇವತ್ತು ನಾವಿಬ್ಬರು ಒಪ್ಪಿಯೇ ಡಿವೋರ್ಸ್ ಪಡೆದಿದ್ದೇವೆ. ನಮ್ಮಿಬ್ಬರ ನಡುವೆ ಮಕ್ಕಳ ವಿಚಾರಕ್ಕೆ ಆಗಲಿ, ಇನ್ಯಾವುದೇ ವಿಚಾರಕ್ಕೆ ಆಗಲಿ ಡಿವೋರ್ಸ್ ಆಗಿಲ್ಲ. ನಿವೇದಿತಾ ಅವರಿಗೂ ಸಿನಿಮಾಗಳಿವೆ, ನನಗೂ ಸಿನಿಮಾದ ಕೆಲಸಗಳಿದಾವೆ. ಹೀಗಾಗಿ ಒಪ್ಪಿನೆ ನಿರ್ಧಾರಕ್ಕೆ ಬಂದಿದ್ದೀವಿ ಎಂದಿದ್ದಾರೆ.
