ಬೆಂಗಳೂರು : ಐಪಿಎಲ್ 2026 ಈಗ ಕೇವಲ ಕ್ರಿಕೆಟ್ ಮಾತ್ರವಲ್ಲ…ಇದು ಆಟಗಾರರು, ಅಭಿಮಾನಿಗಳ ಭಾವೋದ್ರೇಕ, ಟ್ರೋಲ್ ಮತ್ತು ಪ್ರತೀಕಾರದ ಸೀಸನ್ ಕೂಡ ಆಗಿದೆ!
ಈ ಸೀಸನ್ ಆರಂಭದಲ್ಲಿ ಪಂಜಾಬ್ ಕಿಂಗ್ಸ್ (PBKS) ಭರ್ಜರಿ ಫಾರ್ಮ್ನಲ್ಲಿ ಇತ್ತು. ಸತತ ಗೆಲುವುಗಳಿಂದ ತಂಡ ಟಾಪ್ ಸ್ಥಾನದಲ್ಲಿತ್ತು. ಅದೇ ಸಮಯದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ PBKS ಅಧಿಕೃತ ಹ್ಯಾಂಡಲ್ ಮಾಡಿದ ಒಂದು ಟ್ವೀಟ್ ಭಾರೀ ವೈರಲ್ ಆಯಿತು.
ರಾಜಸ್ಥಾನ್ ವಿರುದ್ಧದ ಪಂದ್ಯದಲ್ಲಿ PBKS ಸ್ಕೋರ್ಬೋರ್ಡ್ “49/1 (4.3 overs)” ಎಂದು ತೋರಿಸುತ್ತಿದ್ದಾಗ, ಅದನ್ನೇ ಟ್ವೀಟ್ ಮಾಡಲಾಗಿತ್ತು.ಆದರೆ IPL ಅಭಿಮಾನಿಗಳು ಅದನ್ನು ಸಾಮಾನ್ಯ ಸ್ಕೋರ್ ಅಪ್ಡೇಟ್ ಆಗಿ ನೋಡಲಿಲ್ಲ.
ಏಕೆಂದರೆ “49” ಎನ್ನುವುದು RCB ಅಭಿಮಾನಿಗಳಿಗೆ ತುಂಬಾ ಸೆನ್ಸಿಟಿವ್ ಸಂಖ್ಯೆ. 2017ರಲ್ಲಿ RCB ತಂಡ KKR ವಿರುದ್ಧ ಕೇವಲ 49 ರನ್ಗಳಿಗೆ ಆಲ್ಔಟ್ ಆಗಿತ್ತು — ಅದು ಇಂದಿಗೂ IPL ಇತಿಹಾಸದ ಕನಿಷ್ಠ ಸ್ಕೋರ್. ಹೀಗಾಗಿ PBKS ಈ ಟ್ವೀಟ್ ಮೂಲಕ RCBಯ ಹಳೆಯ ಗಾಯವನ್ನು ಮತ್ತೆ ನೆನಪಿಸಿ ಟ್ರೋಲ್ ಮಾಡಿದೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆ ಶುರುವಾಯಿತು.
ಆ ಟ್ವೀಟ್ ನಂತರ ಏನಾಯಿತು ಗೊತ್ತಾ? PBKS ತಂಡದ ಗೆಲುವಿನ ಓಟ ಏಕಾಏಕಿ ಕುಸಿಯಲು ಆರಂಭವಾಯಿತು. ಸತತ ಸೋಲುಗಳು, ಒತ್ತಡ, ಪ್ಲೇಆಫ್ ಲೆಕ್ಕಾಚಾರ — ಎಲ್ಲವೂ ತಂಡದ ಮೇಲೆ ಬಿದ್ದವು. ಇದನ್ನು ನೋಡಿ RCB ಅಭಿಮಾನಿಗಳು “49 curse”, “IPL karma” ಎಂದು ಟ್ರೆಂಡ್ ಮಾಡಲಾರಂಭಿಸಿದರು.
ಇದರ ನಡುವೆ ಮತ್ತೊಂದು ಕುತೂಹಲಕಾರಿ ಸಂಗತಿ ಏನೆಂದರೆ, ಈ ಸೀಸನ್ ಪೂರಾ CSK ಅಭಿಮಾನಿಗಳ ಒಂದು ಭಾಗ ಮತ್ತು ಕೆಲ ಮಾಜಿ ಆಟಗಾರರು RCB ವಿರುದ್ಧ ಆಡುವ ಪ್ರತಿಯೊಂದು ತಂಡಕ್ಕೂ ಬೆಂಬಲ ನೀಡುತ್ತಿರುವುದು ಕೂಡ ವೈರಲ್ ಚರ್ಚೆಯ ವಿಷಯವಾಯಿತು.
ಆದರೆ ಈಗ ಪರಿಸ್ಥಿತಿ ಸಂಪೂರ್ಣ ತಿರುಗಿದೆ!
ನಾಳೆಯ ಪಂದ್ಯದಲ್ಲಿ RCB ಗೆದ್ದರೆ PBKS ಪ್ಲೇಆಫ್ ಕನಸು ಬಹುತೇಕ ಮುಕ್ತಾಯವಾಗಲಿದೆ. RCB ಸೋತರೆ CSK ಟೂರ್ನಿಯಿಂದ ಅಧಿಕೃತವಾಗಿ ಹೊರಗೆ ಹೋಗಲಿದೆ.
ಅಂದರೆ ಕೆಲವು ವಾರಗಳ ಹಿಂದೆ ಟ್ರೋಲ್ ಗುರಿಯಾಗಿದ್ದ RCB, ಈಗ ಎರಡು ದೊಡ್ಡ ಫ್ರಾಂಚೈಸಿಗಳ ಭವಿಷ್ಯ ನಿರ್ಧರಿಸುವ ಸ್ಥಿತಿಗೆ ಬಂದಿದೆ!
ಕ್ರಿಕೆಟ್ ಅಭಿಮಾನಿಗಳು ಈಗ ಒಂದೇ ಮಾತು ಹೇಳುತ್ತಿದ್ದಾರೆ:
“IPLನಲ್ಲಿ ಫಾರ್ಮ್ ಬದಲಾಗಬಹುದು… ಆದರೆ ಮಾಡಿದ ಕರ್ಮ ತುಂಬಾ ವೇಗವಾಗಿ ಬರುತ್ತದೆ!”
