ಬೆಂಗಳೂರು ಏ.4 : ಟಿ20 ಕ್ರಿಕೆಟ್ ಅಂದ್ರನೆ ಅಲ್ಲಿ ಅಬ್ಬರದ ಬ್ಯಾಟಿಂಗ್ ಮತ್ತು ವೇಗದ ರನ್ಗಳ ಆಟವಾಗಿರುತ್ತದೆ. ಅಂತಹ ಪಂದ್ಯಗಳಲ್ಲಿ ಕ್ರೀಸ್ನಲ್ಲಿರುವ ಇಬ್ಬರು ಬ್ಯಾಟರ್ಗಳ ನಡುವಿನ ಹೊಂದಾಣಿಕೆ ಪಂದ್ಯದ ಗತಿಯನ್ನೇ ಬದಲಿಸಬಲ್ಲದು. ಇದೀಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಸ್ಫೋಟಕ ಆಟಗಾರ ರೊಮಾರಿಯೋ ಶೆಫರ್ಡ್, ತಮ್ಮ ಸಹ ಆಟಗಾರ ಜಿತೇಶ್ ಶರ್ಮಾ ಅವರೊಂದಿಗಿನ ಬ್ಯಾಟಿಂಗ್ ಹೊಂದಾಣಿಕೆಯ ಬಗ್ಗೆ ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ಇತ್ತೀಚಿನ ‘ಆರ್.ಸಿ.ಬಿ ಬೋಲ್ಡ್ ಡೈರಿಸ್’ ಸಂಚಿಕೆಯಲ್ಲಿ ಮಾತನಾಡಿದ ಶೆಫರ್ಡ್, ಜಿತೇಶ್ ಶರ್ಮಾ ಜೊತೆ ಬ್ಯಾಟಿಂಗ್ ಮಾಡುವುದು ತಮಗೆ ಎಷ್ಟು ಆಪ್ತ ಮತ್ತು ಧೈರ್ಯ ತುಂಬುವ ವಿಷಯದ ಬಗ್ಗೆ ಹೇಳಿದರು. “ನಾನು ಜಿತೇಶ್ ಜೊತೆ ಬ್ಯಾಟಿಂಗ್ ಮಾಡುವಾಗ ನನ್ನ ಆತ್ಮವಿಶ್ವಾಸ ದುಪ್ಪಟ್ಟಾಗಿರುತ್ತದೆ. ಅವರು ಯಾವಾಗಲೂ ನಾನು ಅತ್ಯುತ್ತಮ ಆಟಗಾರ ಎಂಬ ಭಾವನೆಯನ್ನು ನನ್ನಲ್ಲಿ ಮೂಡಿಸುತ್ತಾರೆ. ಅಷ್ಟೇ ಅಲ್ಲದೆ, ಪ್ರತಿಯೊಂದು ಎಸೆತವನ್ನೂ ನಾನು ಸಿಕ್ಸರ್ ಹೊಡೆಯಬಲ್ಲೆ ಎಂಬ ನಂಬಿಕೆಯನ್ನು ಅವರು ನನ್ನಲ್ಲಿ ಬಿತ್ತುತ್ತಾರೆ,” ಎಂದು ಶೆಫರ್ಡ್ ಹೇಳಿದ್ದಾರೆ.
ಜಿತೇಶ್ ಶರ್ಮಾ ಅವರ ಪ್ರೋತ್ಸಾಹದಿಂದಾಗಿ ತಾವು ಮೈದಾನದಲ್ಲಿ ಯಾವುದೇ ಒತ್ತಡವಿಲ್ಲದೆ ಸಹಜ ಆಟ ಆಡಲು ಸಾಧ್ಯವಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ. ಶೆಫರ್ಡ್ ಅವರ ಶಕ್ತಿಶಾಲಿ ಹೊಡೆತಗಳು ಮತ್ತು ಜಿತೇಶ್ ಅವರ ತಾಂತ್ರಿಕ ಆಟದ ವೈಖರಿ ಒಬ್ಬರಿಗೊಬ್ಬರು ಪೂರಕವಾಗಿವೆ. “ನಮ್ಮಿಬ್ಬರ ಆಟದ ಶೈಲಿ ಭಿನ್ನವಾಗಿದ್ದರೂ, ಅದು ಎದುರಾಳಿ ಬೌಲರ್ಗಳಿಗೆ ದೊಡ್ಡ ಸವಾಲಾಗಿ ಪರಿಣಮಿಸುತ್ತದೆ. ಅವರೊಂದಿಗೆ ಕ್ರೀಸ್ ಹಂಚಿಕೊಳ್ಳುವುದು ನನಗೆ ಯಾವಾಗಲೂ ಖುಷಿ ನೀಡುವ ವಿಚಾರ,” ಎಂದು ಅವರು ತಮ್ಮ ಮನದ ಮಾತು ಹಂಚಿಕೊಂಡಿದ್ದಾರೆ.
ಒಟ್ಟಾರೆಯಾಗಿ, ಮೈದಾನದಲ್ಲಿ ಆಟಗಾರರ ನಡುವಿನ ಇಂತಹ ಬಾಂಧವ್ಯ ಮತ್ತು ಪರಸ್ಪರ ನಂಬಿಕೆ ಕೇವಲ ವೈಯಕ್ತಿಕ ಪ್ರದರ್ಶನವನ್ನಷ್ಟೇ ಅಲ್ಲದೆ, ಇಡೀ ತಂಡದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂಬುದಕ್ಕೆ ಶೆಫರ್ಡ್ ಅವರ ಈ ಮಾತುಗಳೇ ಸಾಕ್ಷಿ
