ರಾಘವ ಚಡ್ಡಾ ಸೇರಿದಂತೆ ಏಳು ಮಂದಿಯ ಬಿಜೆಪಿಯ ವಿಲೀನವನ್ನು ಒಪ್ಪಿಕೊಂಡ ರಾಜ್ಯಸಭೆ

ನವದೆಹಲಿ :  ರಾಜ್ಯಸಭೆಯ ಅಧ್ಯಕ್ಷ ಸಿಪಿ ರಾಧಾಕೃಷ್ಣನ್ ಅವರು ಸಂಸದ ರಾಘವ್ ಛಡ್ಡಾ ಮತ್ತು ಕಳೆದ ವಾರ ಎಎಪಿ ತೊರೆದ ಇತರ ಆರು ಮಂದಿ ಘೋಷಿಸಿದ ಬಿಜೆಪಿ ವಿಲೀನವನ್ನು ಒಪ್ಪಿಕೊಂಡಿದ್ದಾರೆ.
ರಾಜ್ಯಸಭೆಯಲ್ಲಿ ಬಿಜೆಪಿಯ ಒಟ್ಟು ಬಲ ಈಗ 113 ಕ್ಕೆ ಏರಿದ್ದು, ರಾಘವ್ ಛಡ್ಡಾ, ಅಶೋಕ್ ಮಿತ್ತಲ್, ಸಂದೀಪ್ ಪಾಠಕ್, ವಿಕ್ರಮ್‌ಜಿತ್ ಸಿಂಗ್ ಸಹ್ನಿ, ಹರ್ಭಜನ್ ಸಿಂಗ್, ಸ್ವಾತಿ ಮಲಿವಾಲ್ ಮತ್ತು ರಾಜಿಂದರ್ ಗುಪ್ತಾ ಅವರ ಹೆಸರುಗಳು ಈಗ ಪಕ್ಷದ ಪಟ್ಟಿಯಲ್ಲಿವೆ.

ಈ ಬಗ್ಗೆ X  ನಲ್ಲಿ ಮಾತನಾಡಿದ ಕೇಂದ್ರ ಸಚಿವ ಕಿರಣ್ ರಿಜಿಜು, ರಾಜ್ಯಸಭಾ ಅಧ್ಯಕ್ಷರು ವಿಲೀನಕ್ಕೆ ಒಪ್ಪಿಗೆ ಸೂಚಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರ ದೂರದೃಷ್ಟಿಯ ನಾಯಕತ್ವದಲ್ಲಿ ರಾಷ್ಟ್ರ ನಿರ್ಮಾಣ ಎನ್‌ಡಿಎ ಗೆ ಸ್ವಾಗತ ಮತ್ತು  ಇಂಡಿ  ಮೈತ್ರಿಕೂಟಕ್ಕೆ ವಿದಾಯ ಎಂದು ಎಎಪಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. 

ಹೊಸ ಸಂಸದರಿಗೆ ಬಿಜೆಪಿ ಪ್ರಶಂಸೆ

ಬಿಜೆಪಿಯ ಹೊಸದಾಗಿ ಸೇರ್ಪಡೆಗೊಂಡ ಸದಸ್ಯರು ಎಂದಿಗೂ ಸಂಸತ್ತಿಗೆ ವಿರುದ್ಧವಾದ ನಡವಳಿಕೆಯಲ್ಲಿ ತೊಡಗಿಲ್ಲ ಎಂದು ಹೇಳಿದರು. “ಈ 7 ಗೌರವಾನ್ವಿತ ಸಂಸದರು ನಿಂದನೀಯ ಭಾಷೆಗಳನ್ನು ಬಳಸಿಲ್ಲ ಮತ್ತು ಯಾವುದೇ ಅಶಿಸ್ತು ಮತ್ತು ಸಂಸತ್ತಿಗೆ ವಿರುದ್ಧವಾದ ನಡವಳಿಕೆಯನ್ನು ಎಂದಿಗೂ ಸೃಷ್ಟಿಸಿಲ್ಲ ಎಂದು ನಾನು ಬಹಳ ಸಮಯದಿಂದ ಗಮನಿಸಿದ್ದೇನೆ” ಎಂದು ರಿಜಿಜು X ನಲ್ಲಿ ಬರೆದಿದ್ದಾರೆ.