ಬೆಂಗಳೂರು : 12 ಕೋಗಿಲು ಬಡಾವಣೆ ಸಂತ್ರಸ್ತ ಕುಟುಂಬಗಳು ಸೇರಿದಂತೆ 30 ಮಂದಿಗೆ ರಾಜೀವ್ ಗಾಂಧಿ ವಸತಿ ನಿಗಮದ ವತಿಯಿಂದ ಹಕ್ಕು ಪತ್ರ ವಿತರಿಸಿದರು.
ವಿಕಾಸ ಸೌಧ ದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಚಿವರಾದ ಜಮೀರ್ ಅಹಮದ್ ಖಾನ್ ಹಕ್ಕುಪತ್ರಗಳನ್ನು ವಿತರಿಸಿ ಮಾತನಾಡಿ, ಕೋಗಿಲು ಪ್ರಕರಣದಲ್ಲಿ 165 ಸಂತ್ರಸ್ತರು ಎಂದು ಗುರುತಿಸಲಾಗಿತ್ತಾದರೂ ದಾಖಲೆ ಪರಿಶೀಲನೆ ನಂತರ 61 ಮಂದಿ ಮಾತ್ರ ಅರ್ಹರಿದ್ದು, ಅವರಲ್ಲಿ ಇದೀಗ 12 ಮಂದಿಗೆ ಹಕ್ಕು ಪತ್ರ ನೀಡಲಾಗಿದೆ ಎಂದು ಸಚಿವ ಜಮೀರ್ ಅಹಮದ್ ಖಾನ್ ತಿಳಿಸಿದ್ದಾರೆ.
ಬಳಿಕ ಮಾತನಾಡಿದ ಕಂದಾಯ ಸಚಿವ ಕೃಷ್ಣ ಬೈರೇಗೌಡ, 1 ಲಕ್ಷ ಬಹುಮಹಡಿ ಬೆಂಗಳೂರು ವಸತಿ ಯೋಜನೆಯಡಿಯಲ್ಲಿ, ಬ್ಯಾಟರಾಯನಪುರ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಗೆ ಬರುವ ಬೈಯಪ್ಪನಹಳ್ಳಿ ಗ್ರಾಮದ ಸರ್ವೆ ಸಂಖ್ಯೆ 80 ರಲ್ಲಿ ಒಟ್ಟು 1,187 ಒಂದು ಮಲಗುವ ಕೋಣೆ ಫ್ಲಾಟ್ಗಳನ್ನು ನಿರ್ಮಿಸಲಾಗುತ್ತಿದೆ. ಸಾರ್ವಜನಿಕ ಕೋಟಾದಡಿಯಲ್ಲಿ 594 ಫ್ಲಾಟ್ಗಳು. ಸ್ಥಳೀಯ ಕೋಟಾದಡಿಯಲ್ಲಿ 593 ಫ್ಲಾಟ್ಗಳು. ನಗರ ಆಶ್ರಯ ಸಮಿತಿ ಸಭೆಯಲ್ಲಿ ಒಟ್ಟು 189 ಫಲಾನುಭವಿಗಳನ್ನು ಆಯ್ಕೆ ಮಾಡಲಾಯಿತು ಎಂದರು.
ಹಾಗೆಯೇ, ಬ್ಯಾಟರಾಯನಪುರ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಕೋಗಿಲು ಬಂಡೆಯಲ್ಲಿ ಅನಧಿಕೃತ ಮನೆಗಳನ್ನು ತೆರವುಗೊಳಿಸಿದ ನಂತರ, ಕಂದಾಯ ಇಲಾಖೆ ಮತ್ತು ಬೃಹತ್ ಬೆಂಗಳೂರು ಪ್ರಾಧಿಕಾರವು ಸಮೀಕ್ಷೆ ನಡೆಸಿ 165 ವಸತಿ ರಹಿತ ವ್ಯಕ್ತಿಗಳ ಪಟ್ಟಿಯನ್ನು ಸಲ್ಲಿಸಲಾಗಿದೆ.
ಇದರಲ್ಲಿ 165 ವಸತಿ ರಹಿತ ಜನರಲ್ಲಿ, 61 ಕುಟುಂಬಗಳು “1 ಲಕ್ಷ ಬಹುಮಹಡಿ” ಬೆಂಗಳೂರು ವಸತಿ ಯೋಜನೆಯ ಮಾರ್ಗಸೂಚಿಗಳ ಪ್ರಕಾರ ಅರ್ಹವಾಗಿವೆ. 61 ಕುಟುಂಬಗಳಲ್ಲಿ, ಸಂಪೂರ್ಣ ದಾಖಲೆಗಳನ್ನು ಹೊಂದಿರುವ 12 ಕುಟುಂಬಗಳಿಗೆ ಪ್ರಸ್ತುತ “1 ಲಕ್ಷ ಬಹುಮಹಡಿ” ಬೆಂಗಳೂರು ವಸತಿ ಯೋಜನೆಯಡಿ ಫ್ಲಾಟ್ಗಳನ್ನು ಪಡೆಯಲು ಆನ್ಲೈನ್ನಲ್ಲಿ ಅರ್ಜಿಗಳನ್ನು ಸಲ್ಲಿಸಿವೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಇಲಾಖೆ ಕಾರ್ಯದರ್ಶಿ ಮೋಹನ್ ರಾಜ್, ರಾಜೀವ್ ಗಾಂಧಿ ವಸತಿ ನಿಗಮದ ಎಂಡಿ ಪರಶುರಾಮ್ ಶಿನ್ನಾಳ್ಕರ್, ಜಿ ಎಂ ಪರಶುರಾಮ್ ಗೌಡ ಉಪಸ್ಥಿತರಿದ್ದರು.
