ಬೆಂಗಳೂರು: ವಿವಿಧ ಉದ್ದಿಮೆಗಳಲ್ಲಿ ಕೆಲಸ ಮಾಡುವ ಕಾರ್ಮಿಕರ ವೇತನವನ್ನು ಪರಿಷ್ಕರಿಸಿ ಕಾರ್ಮಿಕ ಇಲಾಖೆ ಅಧಿಸೂಚನೆ ಹೊರಡಿಸಿದೆ. ಕಾರ್ಮಿಕರ ಕನಿಷ್ಠ ವೇತನ ದರಗಳನ್ನು ಪರಿಷ್ಕರಿಸಲು ಯಾವುದೇ ರೀತಿಯ ಅಡೆತಡೆಗಳು ಇಲ್ಲದೇ ಇದ್ದುದರಿಂದ ಸುಪ್ರೀಂ ಕೋರ್ಟ್ ತೀರ್ಪಿನ ಪ್ರಕಾರ ಕನಿಷ್ಠ ವೇತನ ಪರಿಷ್ಕರಿಸಲಾಗಿದೆ ಎಂದು ಕಾರ್ಮಿಕ ಇಲಾಖೆ ತಿಳಿಸಿದೆ.
ಅನುಸೂಚಿ-2 ರ ಅಡಿಯಲ್ಲಿ ಶೌಚಾಲಯಗಳು, ಸ್ನಾನಗೃಹಗಳು, ಒಳಚರಂಡಿಗಳನ್ನು ಶುಚಿ ಮಾಡುವ ಕೆಲಸದಲ್ಲಿ ತೊಡಗಿರುವ ವಲಯ-1ರಲ್ಲಿ ದಿನಕ್ಕೆ ರೂ. 989, ತಿಂಗಳಿಗೆ ರೂ.25,714, ವಲಯ-2 ದಿನಕ್ಕೆ ರೂ.899, ತಿಂಗಳಿಗೆ ರೂ.23,376.43, ವಲಯ -3 ದಿನಕ್ಕೆ ರೂ. 817.36 ಮಾಸಿಕ 21,251.30 ನಿಗದಿಪಡಿಸಲಾಗಿದೆ.
ವಿದ್ಯುತ್ ಉತ್ಪಾದನಾ ಘಟಕಗಳಲ್ಲಿ (ಉಷ್ಣ ವಿದ್ಯುತ್ ಸ್ಥಾವರ) ಕೆಲಸ ಮಾಡುವ ಅತಿ ಕುಶಲ ಕಾರ್ಮಿಕರು ದಿನಕ್ಕೆ ರೂ.1,316.36, ತಿಂಗಳಿಗೆ ರೂ.34,225.42, ಕುಶಲ ಕಾರ್ಮಿಕರು ದಿನವೊಂದಕ್ಕೆ ರೂ.1196, ತಿಂಗಳಿಗೆ ರೂ.31,114.02, ಅರೆ ಕುಶಲ ಕಾರ್ಮಿಕರು ದಿನಕ್ಕೆ1,087, ಮಾಸಿಕ ರೂ.28,285.47, ಅಕುಶಲ ಕಾರ್ಮಿಕರು ದಿನಕ್ಕೆ 989, ಮಾಸಿಕ ರೂ.25,714.07, ಜಲ ಮತ್ತು ಸೌರ ವಿದ್ಯುತ್ ಸ್ಥಾವರಗಳಲ್ಲಿ ಕೆಲಸ ಮಾಡುವ ಅತಿ ಕುಶಲ ಕಾರ್ಮಿಕರಿಗೆ ದಿನಕ್ಕೆ ರೂ.1,196.69, ತಿಂಗಳಿಗೆ ರೂ.31,114.02, ಕುಶಲ ಕಾರ್ಮಿಕರಿಗೆ ದಿನಕ್ಕೆ ರೂ.1,087, ತಿಂಗಳಿಗೆ ರೂ.28,285, ಅರೆ ಕುಶಲ ಕಾರ್ಮಿಕರಿಗೆ ದಿನಕ್ಕೆ ರೂ.989, ತಿಂಗಳಿಗೆ 25,714, ಅಕುಶಲ ಕಾರ್ಮಿಕರು ದಿನಕ್ಕೆ ರೂ.899, ಮಾಸಿಕ ರೂ.23,376.
ಇದೇ ರೀತಿ ಅನುಸೂಚಿ-3 ಮತ್ತು ಅನುಸೂಚಿ-4 ರ ವ್ಯಾಪ್ತಿಗೆ ಬರುವ ಕಾರ್ಮಿಕರ ಕನಿಷ್ಠ ವೇತನ ಪರಿಷ್ಕರಣೆ ದರವನ್ನೂ ಸಹ ಪ್ರಕಟಿಸಲಾಗಿದೆ. ಯಾವುದೇ ಆಕ್ಷೇಪಣೆಗಳಿದ್ದಲ್ಲಿ 2 ತಿಂಗಳಲ್ಲಿ ಸರ್ಕಾರದ ಕಾರ್ಯದರ್ಶಿಗಳು, ಕಾರ್ಮಿಕ ಇಲಾಖೆ, 4 ನೇ ಮಹಡಿ, ವಿಕಾಸಸೌಧ, ಬೆಂಗಳೂರು-1 ಇಲ್ಲಿಗೆ ಸಲ್ಲಿಸಬಹುದು ಎಂದು ಕಾರ್ಮಿಕ ಇಲಾಖೆ ತಿಳಿಸಿದೆ.
